الي زمان ما كتبت، ما عم أفضى
اليوم قلت بدي أكتب شي بس ما كنت مفكرة عن شو بدي أكتب
لقيت ماما حاطة عالفيسبوك جملة للدكتور زغلول النجار: "من الجميل أن يكون لديك صديق كلما أتيت له متكدراً رجعت منه صافياً وكلما قدمت اليه ضعيفاً عدت منه أقوى."
عجبني كتير هالقول، وحسيت أنو فعلاً لازم كل واحد يكون عنده هيك رفيق/ة...
خصوصي لما يكون الواحد بحاجة أنو يحكي مع حدا وما يلاقي حدا قدامه!
ويمكن هالرفيق ما نحكي معه ونقله شو مضايقنا أو شو اللي عم يوجعنا، يمكن بس نحكي عادي انو كيفك شو أخبارك بس بحس الواحد حاله ارتاح لما يحكي معه.
يمكن قد ما تكون مضايق تفش خلقك فيه وترجع ما تعرف كيف تصلح غلطتك، بس بتكون ارتحت شوي ونفست. خصوصي اذا دعمك وحفزك وعطاك معنويات بالحياة...
يمكن قد ما تكون مضايق تفش خلقك فيه وترجع ما تعرف كيف تصلح غلطتك، بس بتكون ارتحت شوي ونفست. خصوصي اذا دعمك وحفزك وعطاك معنويات بالحياة...
يمكن هالرفيق هو يكون مضايق أكتر ويجي يشكيلك وجعه، ساعتها انت بتنسى أوجاعك،
يمكن ما حدا يحكي شي عن ظروفه، بس تنيناتكن تحسوا ببعض،
ويمكن ما حدا يحس بالتاني بس لمجرد تحكوا سوا بترتاحوا...
ويمكن عم أتفلسف لأن بدي احكي مع حدا... وهالشي مش موجود بالأصل بس مجرد مشاعر عابرة او تغيير هرمونات متل كل هالنسوان.
بس بالنهاية الواحد ما في يعيش لحاله وما في يضل عايش لحاله،
لان الانسان دايما بحاجة لواحد يحكي معه ويفهم عليه...
