International Day

 

For this year's International Day celebration at school, I decided to create some special Lebanon-themed bookmarks for the kids to color and keep.

Inspired by our beautiful cedar tree, the iconic flag, Pigeon Rocks, and a few other symbols that make Lebanon so unique, I designed simple black-and-white outlines perfect for little hands and big imaginations.

It was such a joy putting them together, and now I’m happy to share these printable bookmarks here so other families, teachers, or anyone who loves Lebanon can enjoy them too.

Feel free to download, print, color, and add a little piece of Lebanon to your favorite books!

أريد أن أبكي

أحتاج أن أرتمي بين أحضانك يا أبي وأبكي وأبكي وأبكي حتى أستفيق من هذا الكابوس المسمى "الدنيا".

الرصاص الطائش

"مأساة لبنانية جديدة.. قُتِل أمام زوجته وطفله برصاص عشوائي!"

"أصيبت سيدة سورية و طفلها الرضيع جراء رصاص طائش"...

وغيرها من العناوين التي أصبحت سهلة التقبل من مجتمعنا... وكل ما نستطيع قوله حسبنا الله ونعم الوكيل.

انها مأساة الرصاص الطائش التي تستهدف شبابنا وأطفالنا وتهدد كل فرد من افراد الأسرة بلا استثناء. وان لم تكن قد قتلت هذه الرصاصة فربما أصابت أحدا وأعاقته عن عمله وتركت عائلته هدفا سهلا لصعوبات الحياة.

رصاصة بلا هدف تنهي حياة شاب بعمر الوردة، او طفلا لم ير الدنيا بعد، او رجلا ينتظره أولاده ليعود لهم بقوت يومهم ويضمهم... رصاصة تنطلق من مسدس او رشاش يحمله شاب بلا هدف في الحياة لمجرد نجاح في المدرسة او خطاب زعيم او نتائج انتخابات، ليملأ فراغه وليجعل كل هدفه في الحياة توجيه الأنظار اليه لعجزه عن عمل شيء مفيد... 

لا! لا يجب أن نكتفي بالسكوت والترحم على الميت والدعاء له بعد الآن... من واجبنا أن نقف بوجه المجرمين الذين يهددون حياتنا، ومن واجب القوات الأمنية اسكاتهم، ومن واجب الزعماء الذين يمدونهم بالرصاص والذين يتسترون عليهم تسليهم الى الجهات المختصة. ان لم يكن أحدا تعرفه فربما قد تكون أنت أو أحد أقربائك التالي...

الوطن

"لا وجود لوطن اسمه لبنان أو سوريا أو فلسطين

هي أسماء بلدان قسمتها الدول المستعمرة

في شي اسمه بلاد الشام

و هي كمان مش وطن

الوطن هو المكان حيث يشعر الشخص بالانتماء

المكان حيث واجباته

و أحبابه

و ذكرياته

الوطن هو ما يصعب فراقه

قد يراه أحدهم الحي الذي ينتمي له

و قد يراه آخر أكبر من حدود بلده الجغرافية

المهم

انا مشتاق لوطني

 لجامع قريطم

و بيت الحمرا

و للروشة

و لعمود الجامعة و للمغارتين

و لزيارات القرايب

أو حتى اني شوف حدن منهم عالطريق

مشتاق لكون مع إخواتي كلهم بالبيت أو بالسيارة 

يمكن فعلا الوطن هو شي خيالي

مليئ بالعواطف و الأحلام

يمكن الدنيا  مش حرزانة

و الوطن مش موجود فيها

يمكن نلاقي الوطن بعد الحياة

كل واحد ترجع روحه لوطنها

حيث السلام الداخلي

تصبحون على خير

تصبحون على وطن"

محمد فؤاد شهاب

مذكراتي في الجامعة

أنهي صفوفي في السادسة مساء

لقد بدأ الظلام يحل

وتبدأ مسيرتي في العودة الى المنزل البعيد

اسير حتى بوابة الجامعة 

ينتابني شعور بالقلق لبعدي عن منزلي ومنطقتي

أستقل الحافلة أحيانا بمفردي، أو مع صديقتي، أو أخي

في الحافلة يتصاعد مستوى القلق

أبقى على هذه الحالة الحذرة 

أراقب الركاب والسائق لمدة ساعة تقريبا

الى أن أنزل عند أقرب نقطة الى منزلنا

لا زال أمامي مسير ربع ساعة

لكن القلق تدنى الى النصف 

وشعرت براحة تلقائية

أسير في العتمة

لأصل الى شارع منزلنا 

أشعر براحة كبيرة لا شعورية

وعند كل خطوة أخطوها 

يكبر هذا الشعور ويتعاظم

حتى يبلغ ذروته عندما أقرع الباب

ويفتحه أحد اخوتي!!!

الحس المرهف

لست أدري ما هو سبب الحس المرهف الملازم لي هذه الأيام...

لقد اعتدت أن أكون فتاة ً حساسةً في صباي، ولكن مع مرور الأيام وبعد الزواج اضررت أن أتحول الى امرأةٍ واقعية. لا تبالي بالمشاعر والأحاسيس. وأظن أن هذا التصرف جاء نتيجة ضغوطات الحياة والمسؤولية التي تأتي عقب الزواج...

ثم بعد أمومتي عدت لأصلي ثانيةً، لأن أكون تلك الفتاة الحساسة التي تنتظر أن يأخذها والدها بين أحضانه...

عدت الى البكاء من جديد، كنت أجد فيه راحتي. خاصة لكوني فتاةً كتومةً ووجهي لا يعكس حقيقة مشاعري.

لكن لا يصلح البكاء أمام أي أحد، خاصة من يجد في البكاء ضعفاً لا قوة.

عدت لأستمتع بقراءة روايات الحب من جديد، بعدما كنت أجدها للصغار المراهقين والرومنسيين.

عدت لأقرأ الأشعار.

عدت أحلم بأيام الخطوبة التي لن تعود.

أتراني ضللت الطريق باكراً؟
أعليّ أن أعود الى رشدي؟ فمثلي لا يليق به الحب؟
وأن أهتم بأطفالي متجاهلةً مشاعري؟
أم أن مشاعري هي الصحيحة؟
يا قلب فاتركني لأشغالي، ودع أحسايسك عني...
فمثلي ومن يعيش حياتي لا يكترث للحب!!

On His Birthday...

داد او دادي... 

هيك بحب سمّيك، وهول أكتر اسمين بعيطلك فيهن...

ما بعرف ليش الزمن بعده موقف عندي من 6 سنين

وبعدني بفكر عمرك 50-51 وانو مام عمرها 44؟؟

يمكن لأني ما عشت معكم بهالفترة وكنت تزوجت وقلت شوفاتي الكن... 

كل بنت لما تتزوج بتقول يا ريتني بعدني بحضن ابويي

ما عندي مسؤوليات ولا ركض... 

كيف لو كان أبوها متلك؟؟ شو لازم تقول؟

بكفيني قول اسمك بعد اسمي...

كل شي بتذكره عن ذكرياتنا معك انو كنت ورح تضل أول حب بحياتي وأحن أب بهالدنيي.

لما كانت ماما تلبسني فستان جديد وتوقفني عالطاولة وتقلي ابرمي لشوف اذا بيبرم...

ولما كانت تساويلي شعراتي وتعمل حالك ما عرفتني لما أطلع حلوة وتقول: "وين زينة؟؟"...

لما كنت تاخدنا ع رملة البيضا نلعب الأحد الصبح او نتمشى ع كورنيش المنارة، ولما نستأجر بسكلاتات بالصنايع...

لما علمتنا نسوق بسكلات، ما بعرف قديش في ابات بتعلم ولادها وبطولوا بالن عليهن متل ما كان الك خلق علينا...

لما علمتنا السواقة انا ومحمد عالبي أم والشفروليه ونضل فايقين كل أحد بعد الفجر لنروح نسوق قبل الناس والعجقة!!

بعدني بتذكر احلى أيام لما محمد ربح "ربع يس" وقلتلنا انو لازم نحفظ سورة منه ونقينا سورة الواقعة. وكنا نحفظ كل يوم 3 آيات منها. وكل يوم نسمّعها من الأول. وبعدني لهلق حافظتها وكل ما اقرأها بتذكر قعداتنا بالسهرة سوا... وبقول يا ريت برجع بنت زغيرة بس مش ع سطح الجيران، ببيتنا ع قريطم...

كنت دايما تدلعنا وتهتم فينا... لما كون عم ادرس ع مكتبتي (ديسكتي) وتحط مامي العشا وتعيطولي لاتعشى معكم وقلكن ما قادرة عم ادرس كنت دايما تلفلي سندويش لاكلها انا وعم ادرس لتأمن عليي انو أكلت... وكنت دايما توصي حنان فيي وتقلها معلي أختك مضغوطة بالجامعة ساعدي امك انتي ببلال وبشغل البيت عبال ما تخلص امتحاناتها!!

 لما سافرت ع دبي أول مرة كنا بالسيارة مع عمو خليل عم يوصلنا عالسكول وكانت طيارتك بالنهار وما رح نقدر نودعك بالمطار، وقفت عالرصيف وقلتلنا باي لما مشيت السيارة وكانت نظراتك النا كتير حنونة متل ما كنت دايما حنون معنا... يومتها كتير بكيت، أكتر من كل البكيات اللي بكيناهن لما عرفنا انك مسافر.

وقبل نهار عرسي بيومين لما جيت من دبي، كنت انا بعتتلك مايل مؤثر ببكي عن الزواج وعن الأب قدي بيزعل لما تتزوج بنته وتنام لأول مرة برات البيت، قلتلي لي بعتيلي هيدا المايل اللي ببكي وبزعل...

وهيداك الشهر لما قلتلك كنت عم اتفرج عالقمر كان تقريبا بدر انا وعم اجلي، قلتلي يعني كان عندك قمرين... قمر عم يجلي وقمر بالسما عم يتفرج عالقمر اللي عم يجلي... تأكدت انو البنت لو قد ما كان زوجها بيحبها وبيقدرها، بيضل حب أبوها الها اكبر... وبضل أبوها حبها الأول وبضل يعتل همها!!

بعيد ميلادك بدي ادعي الله يخليلنا ياك ويعطيك الصحة والقوة ويخليك فوق راسنا ويطولنا بعمرك... 

ويا رب يعطيني الصحة والقوة وطولة البال لربي ولادي متل ما ربيتونا انت ومامي...